Illinois နိုင်ငံ Chicago မြို့ရဲ့လမ်းများပေါ်မှာ သူ့ရဲ့ရေခဲချောင်းတွန်းလှည်းကို ကတုန်ကရင်တွန်းနေခဲ့တဲ့ အဘိုးအိုတစ်ဦး ရဲ့ထင်ရှားတဲ့ဓာတ်ပုံဟာ လူများစွာရဲ့နှလုံးသားကို နာကျင်သွားစေခဲ့ပါတယ်။ ထိုပုံရဲ့နောက်ကွယ်က ထိမိတဲ့ဇာတ်လမ်းကိုပြောပြတဲ့အခါမှာ တစ်ကမ္ဘာလုံးရှိထောင်ပေါင်းများစွာတဲ့လူများက အဆိုပါအဘိုးအိုတို့မိသားစုအတွက် အလှူငွေများစွာလှူဒါန်းရန် စီစဉ်လာခဲ့ကြပါတယ်။ Joel Cervantes Macias အမည်ရှိအမျိုးသမီးက သူမရဲ့ဇာတိမြို့ရဲ့လမ်းမကြီးတစ်နေရာပေါ်မှာ ကားမောင်းနေစဉ် တောက်ပတဲ့အဝါရောင်ဦးထုပ်ကိုဆောင်းထားပြီး ကားလမ်းဘေးတစ်လျှောက်မှာ ရေခဲချောင်းကိုရောင်းရန် သူ့ရဲ့paleta တွန်းလှည်းကိုတုန်ရီစွာတွန်းရင်း ရုန်းကန်လုပ်စားနေရတဲ့ အဘိုးအိုတစ်ဦးကိုသတိထားမိသွားခဲ့ပြီး သူမဟာ အဆိုပါအဘိုးအိုနဲ့တွေ့ဆုံစကားပြောခဲ့ပါတယ်။

Macias ဟာ အသက် ၈၉ နှစ်အရွယ်ပြီဖြစ်တဲ့ Sanchez အမည်ရှိ အဆိုပါအဘိုးအိုက မြို့ရဲ့ရပ်ကွက်တစ်ခုရဲ့အနီးတစ်ဝိုက်ပတ်လည်မှာ ရေခဲချောင်းများရောင်းချနေခဲ့တာကို သိရှိခဲ့ရတဲ့အပြင် အဘိုး Sanchez ရဲ့တစ်ဦးတည်းသောသမီးက လွန်ခဲ့တဲ့ရက်အနည်းငယ်က ကွယ်လွန်သွားခဲ့တာကြောင့် အဘိုးဟာ အလုပ်ပြန်လုပ်နေရကြောင်းကိုပါ သိခဲ့ရပါတယ်။

ထိုအချိန်မှာ Macias က အဘိုးအိုရဲ့ရေခဲချောင်းရောင်းနေတဲ့အခိုက်အတန့်ကို ဓာတ်ပုံရိုက်ခဲ့ပြီး နောက်ပိုင်းမှာ အဘိုးအတွက် GoFundMe ဆိုတဲ့ page တစ်ခုကို ဖန်တီးပေးကာ အလှူငွေများစုဆောင်းရန်စတင်ခဲ့ပါတယ်။ Macias က “ ကျွန်မ ရေခဲချောင်းအချောင်း၂၀ ဝယ်ပြီး အဘိုးကိုဒေါ်လာ ၅၀ ပေးခဲ့တယ် အဘိုးကို ဘုရားသခင်ကောင်းချီးပေးပါစေ လို့ပြောခဲ့သေးတယ် “ လို့ ၎င်း GoFundMe page မှာ ပထမဆုံး post ကို မျှဝေပေးခဲ့ပါတယ်။

.

နွေရာသီနဲ့အေးတဲ့ဆောင်းရာသီတွေမှာ လမ်းပေါ်မှာ ၎င်းအလုပ်လုပ်ရတာ တကယ်ကိုခက်ခဲကြောင်းနှင့် ရာသီဥတုဆိုးရင်တောင် ၎င်းတို့ကဈေးရောင်းထွက်ရပြီး ဇနီးဖြစ်သူ Eladia ရဲ့ ရောဂါက ပိုဆိုးရွားလာနေခဲ့ပါတယ်။ ထို့ကြောင့် အဘိုးတို့မိသားစုရဲ့ဘ၀ကို ပိုမိုလွယ်ကူသွားစေရန် Macias က social media အသုံးပြုသူများအား အလှူငွေလှူဒါန်းပေးရန် တောင်းဆိုခဲ့ပါတယ်။

အစက ရန်ပုံငွေကို ဒေါ်လာ ၃၀၀၀ အထိသာသတ်မှတ်ထားခဲ့ပေမဲ့လည်း တုန့်ပြန်မှုကကြီးမားခဲ့တာကြောင့် Macias ဟာ အဘိုးနှင့်ဇနီးဖြစ်သူအတွက် ဒေါ်လာ ၃၈၄,၀၀၀ ကျော်အထိစုဆောင်းနိုင်ခဲ့ပါတယ်။

ထို့နောက် အဘိုး Sanchez က ၎င်းတို့အား ကူညီပေးခဲ့တဲ့လူတစ်ဦးချင်းစီကို ကျေးဇူးအထူးတင်ရှိကြောင်းနှင့် သူအတော်လေးဝမ်းသာဝမ်းမြောက်ရကြောင်း ပြန်ပြောပေးခဲ့ပါတယ်။ ထို့နောက် Macias က “ တကယ့်ကိုပင်ပန်းနွမ်းနယ်နေပုံရတဲ့အဘိုးလည်း အခုတော့အငြိမ်းစားလို့ရသွားပြီ ၊ လူများစွာ အဘိုးတို့ကို အားလပ်ရက်အများကြီးပေးခဲ့တယ် ” ဟု ၎င်း GoFundMe page မှာ ရေးသားဖော်ပြခဲ့ပါတယ်။

လူအများရဲ့ကျေးဇူးကြောင့် လက်ရှိအဘိုးတို့စုံတွဲဟာ အိမ်မှာသာ နားနားနေနေရှိနေပါပြီ။ တစ်ကယ်လည်း တစ်စုံတစ်ယောက်ရဲ့ဘ၀ကိုပြောင်းလဲပေးဖို့ မေတ္တာနဲ့ဂရုဏာကိုဖြန့်ဝေတာထက် ပိုလှပတဲ့အရာမရှိဘူးလို့ ထင်မိပါတယ်ဗျာ။

Mia (Mckzone Daily)

Source : goodtimes