ထပ်သုံးလို့မရတဲ့ပလပ်စတစ်များဖြင့် သဘာဝပတ်ဝန်းကျင်နှင့် လိုက်လျောညီထွေမှုရှိတဲ့ အုတ်များကို ဖန်တီးခဲ့တဲ့ စွန့်ဦးတီထွင်သူအမျိုးသမီးနှစ်ဦး (ရုပ်သံ)

စွန့်ပစ်ပလတ်စတစ်များဟာ ဆိုးရွားသော ပတ်ဝန်းကျင်ညစ်ညမ်းမှုကို ဖြစ်စေနိုင်တာကိုတော့ လူတိုင်း အသိပါဘဲ။ ထို့ကြောင့် အင်ဒိုနီးရှားနိုင်ငံရှိ စွန့်ဦးတီထွင်သူအမျိုးသမီးနှစ်ဦးဟာ အမှိုက်များကို ရတနာအဖြစ်သို့ ပြောင်းလဲကာ ပလတ်စတစ်အမှိုက်များကို သဘာဝပတ်ဝန်းကျင်နှင့် သဟဇာတဖြစ်အောင် ပြန်လည်အသုံးပြုသည့် အုတ်များအဖြစ် ဖန်တီးရန် အလွန်ဆန်းသစ်သော နည်းလမ်းကို တီထွင်ခဲ့ကြပါတယ်။ ဤအုတ်များကို ကားရပ်နားရန်နေရာများ၊ အပန်းဖြေပန်းခြံများနှင့် အခြားနေရာများတွင် အသုံးပြုလျက်ရှိနေပါတယ်။ ၎င်းအင်ဒိုနီးရှားလူငယ်စွန့်ဦးတီထွင်သူနှစ်ဦးဖြစ်သည့် Ovy Sabrina နှင့် Novita Tan တို့ဟာ ၎င်းတို့ကုမ္ပဏီဖြစ်တဲ့ “Rebricks” ကို 2018 ခုနှစ် ဇွန်လတွင် ပူးတွဲတည်ထောင်ခဲ့ကြတာပါ။

.

၎င်းတို့ဟာ အမှိုက်ပြန်လည်အသုံးပြုသည့်စက်ရုံမှ ပယ်ချထားသော ပေါင်းစပ်ပလပ်စတစ်အမှိုက်အလွှာများကို ၎င်းတို့စက်ရုံသို့ ပြန်လည်သယ်ဆောင်လာခဲ့ကြပြီး ၎င်းတို့ကို ဘိလပ်မြေနှင့် အခြားပစ္စည်းများကို ရောစပ်အသုံးပြုကာ သဘာဝပတ်ဝန်းကျင်သဟဇာတဖြစ်အုတ်များကို ထုတ်လုပ်ခဲ့ကြပါတယ်။ ၎င်းတို့၏လုပ်ငန်းဟာ ယမန်နှစ်က “ Circular Innovation Jam ” ဆုကိုတောင် ရရှိခဲ့ပါသေးတယ်။ Ovy နှင့် Novida တို့ဟာ Jakarta ၊ Bogar နှင့် အနောက်ဂျာဗားအနီးရှိ အမှိုက်ပုံများနှင့် ပြန်လည်အသုံးပြုသည့်စက်ရုံများသို့ သွားရောက်ကြည့်ရှုခဲ့ပြီး ကော်ဖီ၊ အပျေားစားပလပ်စတစ်နှင့် ခေါက်ဆွဲခြောက်ထုပ်ပိုးအိတ်များကဲ့သို့သော ပလတ်စတစ်အမှိုက်အများအပြားကို စွန့်ပစ်ထားကြောင်း တွေ့ရှိခဲ့ကြပါတယ်။

.

၎င်းအမှိုက်များကို ပြန်လည်အသုံးပြုဖို့ တားမြစ်ထားတာကြောင့် ၎င်းက ယေဘုယျအားဖြင့် အမှိုက်ပုံများတွင် တိုက်ရိုက်စုပုံလာပြီး မြေဆီလွှာနှင့် သဘာဝပတ်ဝန်းကျင်ကို ညစ်ညမ်းစေသလို သို့မဟုတ် သမုဒ္ဒရာထဲသို့ စွန့်ပစ်လိုက်တဲ့အခါ အဏ္ဏဝါပတ်ဝန်းကျင်ကို ညစ်ညမ်းစေပြီး ရေနေသတ္တဝါများ၏ ရှင်သန်မှုကိုပင် ခြိမ်းခြောက်နေလျက်ရှိပါတယ်။ ထို့ကြောင့် ၎င်းစွန့်ဦးတီထွင်သူတို့ဟာ ၎င်းစွန့်ပစ်ထားသော ပလတ်စတစ်အမှိုက်များကို အထူးစက်ဖြင့် ဖျက်ချနိုင်တဲ့စက်ကိရိယာရှိရာ Rebricks စက်ရုံသို့ ပြန်လည်ပို့ဆောင်ကြပြီး ဘိလပ်မြေများကို အမှိုက်များနှင့် အချိုးအစား ကျကျ ရောစပ်ကာ ပလပ်စတစ်အုတ်များအဖြစ် ထုတ်လုပ်ခဲ့ကြပါတယ်။

.

ဤလုပ်ငန်းစဉ်ဟာ ရိုးရှင်းသည်ဟုထင်ရပေမဲ့လည်း တကယ်တမ်း လွယ်ကူတဲ့အလုပ်တော့မဟုတ်နေပါဘူး။ အစပိုင်းတွင် Ovy နှင့် Novida တို့ဟာ ပလပ်စတစ်များကို ခြစ်ထုတ်ပေးမဲ့ သင့်လျော်တဲ့စက်ကို ရှာမတွေ့ခဲ့ကြသေးတာကြောင့် ၎င်းတို့ဟာ ပလတ်စတစ်ကို ကတ်ကြေးဖြင့် ကိုယ်တိုင်ဖြတ်ညှပ်ကာ အချိုးအစားမှန်ကန်စေရန် ရောနှောစမ်းသပ်ခဲ့ကြရပါတယ်။ ထို့ပြင် သင့်လျော်တဲ့အရောအနှောကိုရှာဖွေရန် 18 လကြာမြင့်ခဲ့ပါသေးတယ်။ နောက်ဆုံးမှာ ၎င်းတို့ဟာ အင်ဒိုနီးရှားနိုင်ငံစံနှုန်းနှင့်ကိုက်ညီပြီး ကားရပ်နားရန်နေရာများ၊ ပန်းခြံများနှင့် အခြားနေရာများတွင် အသုံးပြုနိုင်တဲ့ တစ်စတုရန်းစင်တီမီတာလျှင် 250 ကီလိုဂရမ်ဖြင့် ဖိသိပ်နိုင်မှုရှိတဲ့ကြမ်းခင်းအုတ်ကို တီထွင်ခဲ့ကြပါတယ်။

.

.

ထို့ပြင် ၎င်းတို့ဟာ ၎င်းတို့ရုံးတွင် ကနဦးထုတ်လုပ်ခဲ့တဲ့ မအောင်မြင်သော ကုန်ချောပစ္စည်းတွေကို ၎င်းတို့ရဲ့ရုံးခန်းမှာ ထားရှိကာ “ ဤကျရှုံးမှုများမရှိလျှင် အောင်မြင်သောနေ့ဖြစ်လာမည်မဟုတ် ” ဟူ၍လည်း သတိပေးထားခဲ့ကြပါတယ်။ အုတ်ခင်းအုတ်တစ်ခုစီအတွက် ကုန်ကြမ်းရဲ့ 20% ခန့်ဟာ ပလတ်စတစ်အမှိုက်များမှ လာပြီး အုတ်ခင်းတစ်စတုရန်းမီတာစီတွင် အလွှာပေါင်း 880 ပလပ်စတစ်စွန့်ပစ်ပစ္စည်းများကို အသုံးပြုထားတာကြောင့် စက်ရုံဟာ တစ်ရက်လျှင် စတုရန်းမီတာ 100 အထိ ခင်းကျင်းနိုင်ပါတယ် ။ စက်များက ၎င်းတို့ရဲ့အမြင့်ဆုံးစွမ်းရည်ဖြင့် လည်ပတ်ပါက တစ်နှစ်လျှင် ၃၃ သန်းခန့် ပြန်လည်အသုံးပြုနိုင်ပါတယ်။

ထို့ပြင် Rebricks ဟာ အိမ်ဆောက်ရန် အသုံးပြုနိုင်တဲ့ အခေါင်းပေါက်အုတ်ဖြစ်သည့် ၎င်းတို့ရဲ့ ဒုတိယထုတ်ကုန်ကို မကြာခင်မှာ ကြေငြာတော့မည်ဖြစ်ပါတယ်။ Ovy နှင့် Novida ဆိုတဲ့မိန်းကလေးနှစ်ဦးဟာ တီထွင်ဖန်တီးမှုနှင့် ဇွဲလုံ့လတို့ကို အသုံးပြု၍ ပြန်လည်အသုံးပြုသည့်စက်ရုံမှ စွန့်ပစ်ထားသော ပလတ်စတစ်အမှိုက်များကို သဘာဝပတ်ဝန်းကျင်နှင့် လိုက်လျောညီထွေဖြစ်စေတဲ့ အုတ်များအဖြစ်သို့ ပြောင်းလဲပေးခဲ့ကြပါတယ်။ ဒါဟာ တကယ်ကို အံ့ဩစရာပါဘဲ။ လက်ရှိမှာတော့ ဒေသခံပြည်သူများကလည်း သဘာဝပတ်ဝန်းကျင် ထိန်းသိမ်းရေးကို ပိုမိုအားကောင်းလာစေမည့် ၎င်းတို့ရဲ့ထုတ်ကုန်အသစ်များကို စောင့်မျှော်နေလျက်ရှိပါတယ်။

Mia (Mckzone daily)

Reference : goodtimes

Be the first to comment on "ထပ်သုံးလို့မရတဲ့ပလပ်စတစ်များဖြင့် သဘာဝပတ်ဝန်းကျင်နှင့် လိုက်လျောညီထွေမှုရှိတဲ့ အုတ်များကို ဖန်တီးခဲ့တဲ့ စွန့်ဦးတီထွင်သူအမျိုးသမီးနှစ်ဦး (ရုပ်သံ)"

Leave a comment

Your email address will not be published.


*