အသက် ၄၆ နှစ်အရွယ် Cui Fangli အမည်ရှိအမျိုးသမီးတစ်ဦးဟာ လေဖြတ်ရောဂါကြောင့် အိပ်ရာထပ်မှာလဲနေရတဲ့ Fang Jianhui အမည်ရှိသူမခင်ပွန်းဖြစ်သူရဲ့ရှေ့မှာ ကပြနေတဲ့ သူမရဲ့ဗီဒီယိုတွေကိုတင်လိုက်ပြီးနောက်မှာတော့ သူမအား ဆိုရှယ်မီဒီယာအသုံးပြုသူတော်တော်များများက ပြစ်တင်ဝေဖန်လာခဲ့ကြပါတယ်။ South China Morning Post ရဲ့အဆိုအရ Weibo အသုံးပြုသူတစ်ဦးက Cui ကို “ အသည်းနှလုံးမရှိတဲ့လူ” လို့ခေါ်တွင်ခဲ့ပြီး အခြားတစ်ဦးက ” Fang ကို စိတ်မချမ်းမသာဖြစ်အောင်လုပ်ပြီး ခင်ပွန်းအသစ်ရှာဖို့ ကြိုးစားနေတာလား” လို့ Cui အား မေးခွန်းထုတ်ခဲ့ပါတယ်။

.

သို့ပေမဲ့ Cui က 2019 ခုနှစ်မှာ ဦးနှောက်သွေးယိုစီးမှုကြောင့် ဦးနှောက်သွေးကြောပိတ်ကာ လေဖြတ်သွားပြီးနောက် အိပ်ရာပေါ်လဲလျောင်းလာခဲ့ရသည့် သူမရဲ့ခင်ပွန်းဖြစ်သူကို ပြုစုစောင့်ရှောက်ရန် သူမဘဝကိုမြှုပ်နှံထားခဲ့ကြောင်း ဝေဖန်မှုများကြားမှ ထုတ်ဖော်ပြောခဲ့ပြီးနောက်မှာတော့ ဆိုရှယ်မီဒီယာအသုံးပြုသူများရဲ့တုံ့ပြန်မှုက အနည်းငယ် ပြောင်းလဲလာခဲ့ပါတယ်။ Cui ရဲ့နေ့စဉ်လုပ်ရိုးလုပ်စဉ်မှာ ခင်ပွန်းဖြစ်သူအား အစာကျွေးခြင်း နှင့် ကိုယ်ခန္ဓာထဲမှ အရည်များထုတ်ယူရတဲ့ပြွန်သေးကိုအသုံးပြုထားရတာကြောင့် သူမဟာ နှစ်နာရီခြား တစ်ကြိမ် ခင်ပွန်းသည်ရဲ့လေလမ်းကြောင်းများကို ရှင်းလင်းပေးရပါတယ်။

.

ထိုအကက သူမအား စိတ်ဖိစီးမှုသက်သာစေရန်ကူညီပေးကြောင်းနှင့် ခင်ပွန်းဖြစ်သူ ဒီရောဂါမခံစားရသေးမီကတည်းက သူမတို့နှစ်ဦးသားက ရွာသားများနှင့်အတူ အမြဲကလေ့ရှိခဲ့ကြောင်း Cui က ရှင်းပြခဲ့ပြီး ယခုအခါလည်း သူမက အကောင်းမြင်သူအဖြစ်ဆက်ရှိနေစေရန် အိမ်မှာနေပြီး ခင်ပွန်းသည်အား ကပြလေ့ရှိခဲ့ကြောင်း TNP သတင်းမှာ ဖော်ပြထားခဲ့ပါတယ်။ ခင်ပွန်းဖြစ်သူ Fang က နောင်လာမဲ့ သူ့ဘဝတစ်သက်တာလုံး အိပ်ရာပေါ်မှာဘဲ ရှိနေရလိမ့်မယ်လို့ ဆရာဝန်များက Cui အားပြောကြားခဲ့ပေမဲ့လည်း Cui က သူမခင်ပွန်းအား ဆက်လက် ဂရုစိုက်ပြီး စွန့်လွှတ်ရန် ငြင်းဆန်ခဲ့တာဖြစ်ပါတယ်။

.

သူမတို့စုံတွဲရဲ့ဇာတ်လမ်းအပြည့်အစုံကို ပြည်တွင်းမီဒီယာများက ထုတ်ဖော်လိုက်ပြီးနောက်မှာတော့ ဆိုရှယ်မီဒီယာသုံးစွဲသူများစွာက Cui နှင့် Fang တို့အား အားပေးစကားပြောခဲ့ကြပြီး Cui ရဲ့အပြုသဘောဆောင်မှုနှင့် ခင်ပွန်းအပေါ် ချစ်ခြင်းမေတ္တာအတွက် ချီးကျူးမှုများနှင့်အတူ လူအများရဲ့တုံ့ပြန်မှုမှာ အပြုသဘောဆောင်တဲ့ အလှည့်အပြောင်းများဖြစ်လာခဲ့ပါတယ်။ ထို့ပြင် Alibaba ရဲ့အပြုသဘောဆောင်သည့်လှုပ်ရှားမှုတစ်ခုမှတစ်ဆင့် Fang အား ယွမ် 10,000 ( ဒေါ်လာ 1,580) ဆုချီးမြှင့်ခဲ့ကြောင်းလည်း Alibaba-owned Morning Post က ဖော်ပြခဲ့ပါသေးတယ်။

Mia (Mckzone daily)

Reference : nextshark