CCTVဆိုလို့ ဒီနေ့ကြုံရတာလေး ဖောက်သည်ချရ ဦးမယ်။

ဒီလိုဗျာ့… လင်မယားနှစ်ယောက် ချွေးသံရွှဲရွှဲနဲ့ ကျနော့်ရုံးခန်းထဲ ဝင်လာကြတယ်။ အမောတကော ပြောနေကြတာလည်း စုံလို့။ နားကို မလည်နိုင်ဘူး။ ပိုက်ဆံ ပျောက်သွားတာလည်းပါရဲ့။ ခေတ္တနားခိုင်းပြီး ဖြည်းဖြည်းချင်းမေးတော့မှ ဇာတ်စုံ သိရတော့တာကိုး။

သူတို့က သွေးရောဂါသည် ကလေးအတွက် ပြန်လာပြတာပါ။ ဓာတ်ခွဲခန်း ဆီးနမူနာပေးဖို့ ကလေးနဲ့အတူ အိမ်သာထဲဝင်အပြီးမှာ ပိုက်ဆံထည့်ထားတဲ့အိတ် အိမ်သာခန်းထဲမှာ ကျန်ရစ်ခဲ့ပါလေရော။ သုံးမိနစ်အတွင်း ပြန်ပြေးလာရှာတော့ မရှိတော့ဘူး။ အဲဒါ ဆေးရုံအုပ်ကြီး ပြန်ရှာပေးပါပေါ့။ တောသူတောင်သားတွေဆိုတော့ ရိုးရိုးကြီးတွေ ပြောကြတာလေ။ ပျောက်သွားတဲ့ ငွေကလည်း ကျပ် ၁၂-သိန်းတောင်။ CCTVကို လက်ညှိုးထိုးပြနေကြတာလေ။

ပိုက်ဆံအိတ်မေ့ကျန်ခဲ့သည့် မိဘများ

သဘောပေါက်ပြီ ကဲ…ဒီမှာထိုင်ကြဆိုပြီး CCTV play backရတော့တာပေါ့။ သုံးမိနစ်အတွင်းမှာ ကလေးနဲ့ အမေတစ်တွဲရယ် အမျိုးသမီးတစ်ယောက်ရယ်ပဲ အိမ်သာခန်းထဲ ထပ်ဝင်တာတွေရတယ်။ တစ်ဦးတည်းဝင်တဲ့ အမျိုးသမီးက အဲဒီ ပိုက်ဆံအိတ်ကို ကိုင်ပြီး ပြန်ထွက်သွားတာကို တွေ့လိုက်ရတော့ ပျော်သွားပြီ။ စတွေ့ပြီပေါ့လေ။ ကင်မရာသုံးလုံးနဲ့ အဆင့်ဆင့်လိုက်ကြည့်တော့ လူနာစောင့်တည်းခိုဆောင် ရှေ့မှာ ငုတ်တုတ်ကလေး ထိုင်နေလေရဲ့။

ပိုက်ဆံအိတ် ကောက်ရသွားသူ

အဲဒီညီမလေးကို ရုံးခန်းထဲ ဖိတ်ခေါ်ပြီး ပိုက်ဆံအိတ်ကိစ္စ ပြောလည်းပြောရော…သမီးက ငွေရှင်ကိုသနားနေတာ။ ဘာလုပ်ရမယ်မှန်းလည်း မသိလို့ ထိုင်ပြီး ငွေပျောက်နိုင်သူကို အကဲခတ် စောင့်ကြည့် နေတာတဲ့လေ။ ငွေကောက်ရတဲ့ သူမကလည်း ရွာဖက်ကပါပဲ။ သူမရဲ့ကလေးက အကြိတ်ကင်ဆာနဲ့ ဆေးရုံတက်ဆဲပေါ့။ ဝမ်းသာအားရ ပြန်ပေးပါတယ်။ စိတ်ချမ်းသာလိုက်တာလေ။ ငွေရှင် လင်မယားခမြာ ထ က မတတ်ပါပဲ။

သူတို့ ကလည်း ကျေးဇူးတင်လို့ မုန့်ဖိုးတွေ ပြန်ပေးပေါ့။ ပြောပြချင်တာက CCTV ဆိုတိုင်း အနိဋ္ဌာရုံချည်းပဲ မဟုတ်ပါဘူးလို့။ လောကပါလတရားတွေ ရှိနေတုန်းဆိုတာ CCTVနဲ့လည်း သက်သေပြလို့ ရနိုင်ပါသေးတယ်လို့။

Thet Aung