လေးလံလွန်းတဲ့ အိတ်ကြီးကိုထမ်းပိုးရင်း သားရဲ့လက်ကိုလည်း မလွတ်တမ်းဆုပ်ကိုင်ထားခဲ့တဲ့ ကြီးမားတဲ့မေတ္တာနဲ့ ဖခင် (ရုပ်သံ)

Ran Guanghui အမည်ရှိအဆိုပါဖခင်ဟာ တရုတ်နိုင်ငံအနောက်တောင်ပိုင်းရှိ ကုန်ထမ်းသူတစ်ဦး ဖြစ်ပြီး သူ၏ချစ်စဖွယ်သားဖြစ်သူအပေါ်ပြုမူတဲ့သူ့ရဲ့ရိုးရှင်းတဲ့အပြုအမူကြောင့် လူများစွာကို ထိမိသွားစေခဲ့ပါတယ်။ လွန်ခဲ့တဲ့ ဆယ်နှစ်လောက်က Chongqing ပြည်နယ်ရှိတရုတ်သတင်းထောက်တစ်ဦးက ၎င်းဓာတ်ပုံကိုရိုက်ယူထားခဲ့တာပါ။ ထိုအချိန်က Mr.Ran က အသက် ၄၁နှစ်နှင့် သားဖြစ်သူ Ran Junchao က ၃နှစ်အရွယ်ဘဲရှိပါသေးတယ်။ ဇနီးဖြစ်သူက စားသောက်ဆိုင်တစ်ခုတွင် အလုပ်လုပ်နေခဲ့တာကြောင့် သားဖြစ်သူကို Mr.Ran က သူ့ရဲ့အလုပ်သို့ခေါ်သွားခဲ့တာပါ။

.

Mr. Ran ဟာ လှေကားထစ်ဆင်းနေစဉ် ကီလို ၁၀၀ (၂၂၀ ပေါင်) အလေးချိန်ရှိတဲ့အိတ်ကိုသယ်ဆောင်နေခဲ့ပြီး သားဖြစ်သူကလည်း သူ့ရဲ့နောက်သို့လိုက်ပါနေစဉ်ဓာတ်ပုံကို လှပစွာဖမ်းယူနိုင်ခဲ့ပါတယ်။

.

သို့ပေမယ့် သားဖြစ်သူကငယ်သေးလို့ သူ့အဖေရဲ့လှေကားကနေလမ်းလျှောက်ဆင်းတာကိုအမီလိုက်ဖို့ခက်နေခဲ့ပါတယ်။ သူဆင်းလာတဲ့အချိန်မှာ သူ့သားဘယ်လိုရုန်းကန်နေလဲဆိုတာကိုသတိထားမိပြီး သူ့အိတ်ကိုလက်တစ်ဖက်နဲ့သယ်ဖို့သူ့အစွမ်းကိုသုံးခဲ့တာကိုတွေ့မြင်နိုင်ပါတယ်။

.

ဓာတ်ပုံကိုရိုက်ယူခဲ့တဲ့ သတင်းထောက် Xu Kangping က ထိုနေ့ဟာ ၂၀၁၀ ခုနှစ် ဇွန်လ ၂၀ ရက်ဖြစ်ပြီး ဖခင်ဖြစ်သူဟာ ၎င်းအိတ်ကြီးကို ထမ်းရက်း ရှည်လျားတဲ့လှေကားထစ်ကိုဆင်းနေခဲ့ကြောင်း ၊ ၎င်းကလွယ်ကူတဲ့ခရီးမဟုတ်ပေမဲ့ ဖခင်ဖြစ်သူက ဝင်ရှာရန်အတွက် ကုန်စည်များကိုထမ်းရင်း ၎င်းလှေကားထစ်တွေကို တစ်နေ့ကို အကြိမ် ၂၀ လောက်အတက်အဆင်းလုပ်နေခဲ့ရကြောင်း ကို အံ့ဩစွာပြောပြခဲ့ပါတယ်။

.

Mr.Ran က ဖခင်တစ်ဦးအနေနဲ့ ဘယ်လောက်ဘဲအလုပ်တွေရှုပ်ပြီးဘယ်လောက်ပင်ပန်းနေပါစေ ဘယ်တော့မှညည်းညူမှာမဟုတ်သလို သားဖြစ်သူအတွက် သက်တောင့်သက်သာရှိတဲ့ဘဝကိုဖန်တီးပေးဖို့ နောက်ထပ်အနှစ် ၂၀ အထိအလုပ်လုပ်ဖို့ဆန္ဒရှိကြောင်းလည်းဆိုခဲ့ပါတယ်။

.

ယခု အသက် ၅၀ကျော်ပြီဖြစ်တဲ့ Mr.Ran ဟာ ကုန်ထမ်းသမားတစ်ဦးဖြစ်နေသေးသလို တစ်ရက်ကိုဝင်ငွေ ယွမ် ၂၅၀ ခန့်နဲ့ အလုပ်လုပ်နေဆဲဖြစ်ပြီး ဈေးနှင့်ဆိုင်များအားလုံးပိတ်တဲ့တရုတ်နှစ်သစ်ကူးပွဲတော်ရက်မှလွှဲ၍ တစ်နှစ်ကို ၃၆၄ ရက်လုံးအလုပ်လုပ်နေဆဲဖြစ်ပါတယ်။

ယခုနှစ်အစောပိုင်းတွင် Mr.Ran ဟာ ယွမ် ၄၀၀,၀၀၀ ကိုစုဆောင်းနိုင်ခဲ့ပြီး ဇနီးနှင့်သားဖြစ်သူတို့သက်တောင့်သက်သာနေနိုင်ရန်အတွက် Chongqing ရှိတိုက်ခန်းတစ်ခန်းကိုဝယ်ယူခဲ့ပါတယ်။ သို့ပေမဲ့ သူ့သားအတွက်အကောင်းဆုံးကိုဘဲအမြဲပေးချင်ခဲ့တာကြောင့် သူဟာနောင်တမရဘဲ နေ့တိုင်း အလုပ်ကိုပိုတောင်လုပ်ခဲ့ပါတယ်။

Mia (Mckzone daily)

Reference : goodtimes

Be the first to comment on "လေးလံလွန်းတဲ့ အိတ်ကြီးကိုထမ်းပိုးရင်း သားရဲ့လက်ကိုလည်း မလွတ်တမ်းဆုပ်ကိုင်ထားခဲ့တဲ့ ကြီးမားတဲ့မေတ္တာနဲ့ ဖခင် (ရုပ်သံ)"

Leave a comment

Your email address will not be published.


*