ကျွန်တော်တို့အားလုံးဟာ ကောလိပ် သို့မဟုတ် တက္ကသိုလ်တစ်ခုမှာ ကျောင်းသားဖြစ်နေစဉ်အတွင်း ကျွန်တော်တို့မှာ ငွေအလုံအလောက်မရှိတဲ့အခါ စိတ်ဓာတ်ကျစရာ အဖြစ်အပျက်များစွာကို ကြုံတွေ့လာရတတ်ပါတယ်။ ချမ်းသာတဲ့မိသားစုမှာ မွေးဖွားလာသူတချို့နှင့် အခြားသောသူတွေက ကံကောင်းကြပေမဲ့ မရှိဆင်းရဲသောမိသားစုမှ ကျောင်းသားများအတွက်၊ ၎င်းတို့ဟာ ၎င်းတို့ရဲ့ မိဘများထံမှ ထောက်ပံ့ကြေးများသာရရှိတာကြောင့် ၎င်းတို့ဟာ ခက်ခဲသော နေ့ရက်များ ရှိနေခဲ့ပြီး ၎င်းတို့ရဲ့ကျပ်တည်းတဲ့ ဘတ်ဂျက်ဟာ ၎င်းတို့ စိတ်ကြိုက် အစားအစာအတွက် မတတ်နိုင်တဲ့အခြေအနေမျိုးတွေမှာလည်း ရှိနေတတ်ပါတယ်။ သို့ပေမဲ့ ဂျပန်နိုင်ငံ တိုကျိုမြို့မှ “The King of Dumplings” ဟုလူသိများတဲ့ဂျပန်စားသောက်ဆိုင်ပိုင်ရှင်ဟာ အစားအသောက်စရိတ်မပေးနိုင်တဲ့ ကျောင်းသားများကို ၎င်းတို့ရဲ့အစားအစာဈေးနှုန်းနှင့် လဲလှယ်ပြီး မိနစ် ၃၀ ကြာ ပန်းကန်ဆေးရန် ခွင့်ပြုပေးခဲ့ပါတယ်။

သူဟာ ယင်းကဲ့သို့ပြုလုပ်လာသည်မှာ ဆယ်စုနှစ်များကြာခဲ့ပြီဖြစ်ပြီး ယခုအချိန်အထိ ချို့တဲ့နွမ်းပါးတဲ့ ကျောင်းသားများအတွက် ထမင်း 30,000 ကျော်ကို အခမဲ့ ထောက်ပံ့ပေးခဲ့ပါတယ်။ စားသောက်ဆိုင်ပိုင်ရှင်ဟာ ယခုအခါ အသက် ၇၀ ရှိပြီဖြစ်ပြီး အဆိုပါ စားသောက်ဆိုင်ဟာလည်း ယခုလကုန်မှာ ပိတ်တော့မည်ဖြစ်ကြောင်း သိရပါတယ်။

၎င်း “The King of Dumplings” စားသောက်ဆိုင်ဟာ ကျိုတိုတက္ကသိုလ်နှင့် Doshisha တက္ကသိုလ်တို့နှင့် နီးကပ်စွာ တည်ရှိပြီး စားသောက်ဆိုင်မှာ “ ဝယ်စားဖို့ ပိုက်ဆံမရှိတဲ့သူများ အလကားစားလို့ရတယ်” လို့ရေးထားတဲ့ ဆိုင်တံခါးမှာ ပိုစတာတစ်ခုလည်း ကပ်ထားပါတယ်။ ဆိုင်ပိုင်ရှင်ဖြစ်တဲ့ Touhiro Inoue ကို ကျိုတို၊ Fushimi-ku တွင် မွေးဖွားခဲ့ပြီး သူ့အသက် 20 မှာ သူ့ဇနီးနဲ့ လက်ထပ်တာကိုဆန့်ကျင်တဲ့အတွက် သူ့မိသားစုထံမှ ထားခဲ့ခြင်းခံခဲ့ပါတယ်။

၎င်းတို့စုံတွဲဟာ လက်ထပ်ပြီးနောက် အိုဆာကာသို့ ပြောင်းရွှေ့နေထိုင်ခဲ့ကြပေမဲ့လည်း ဘဝကို ခက်ခဲကြမ်းတမ်းစွာ ရုန်းကန်ခဲ့ကြကာ စားစရာဝယ်ဖို့တောင် မတတ်နိုင်ခဲ့ပါဘူး။ ထို့နောက် Inoue ဟာ “The King of Dumplings” ဟုခေါ်တဲ့ စားသောက်ဆိုင်မှာ အလုပ်လုပ်ရန် ကျိုတိုသို့ ပြန်လာခဲ့ပြီး၊ 1982 ခုနှစ်မှာ စားသောက်ဆိုင်မန်နေဂျာအဖြစ်ရာထူးတိုးလာတဲ့အခါ သူဟာ ငယ်စဉ်ကပင် များစွာဒုက္ခခံခဲ့ရသည်ကိုအမှတ်ရခဲ့ပြီး သူကဲ့သို့ပင် ကြုံတွေ့နေရသော အခြားသူများကို ကူညီရန် အချိန်ရောက်ပြီဖြစ်ကြောင်းတွေးခဲ့ပါတယ်။ ဒါ့ကြောင့် ကျောင်းသားတွေကို အစားအစာ အခမဲ့ လဲလှယ်ပြီး ပန်းကန်တွေကို မိနစ် (၃၀) ကြာဆေးခိုင်းဖို့ စိတ်ကူးပေါ်လာခဲ့ပါတယ်။

သူဟာ 1995 ခုနှစ်မှာ လက်ရှိဖက်ထုပ်စားသောက်ဆိုင် ပိုင်ရှင်ဖြစ်လာပြီးနောက်၊ သူဟာ ဤအကြံအစည်ကို ဆက်လက်လုပ်ဆောင်ခဲ့ပြီးနောက် မတော်တဆ ဒေသခံကျောင်းသားများရဲ့စိတ်ဝင်စားခြင်းကိုခံခဲ့ရပါတယ်။ စိတ်နှလုံးအနွေးထွေးဆုံးအရာကတော့ ဘွဲ့ရပြီးတဲ့ကျောင်းသားတချို့က သူ့စားသောက်ဆိုင်ကို ပြန်လာကြခြင်းဖြစ်တယ်လို့ Inoue က ဆိုခဲ့ပါတယ်။ တစ်ခါက Doshisha University မှ ဘွဲ့ရသွားတဲ့ အမျိုးသားကျောင်းသားတစ်ဦးဟာ တိုကျိုသို့ရောက်လာကာ သူ့ဆီ ပထမအလည်သွားခဲ့ပါတယ်။

အဆိုပါ ကျောင်းသားဟာ နောက်ပိုင်း လက်ထပ်ပြီး ကလေးရသွားသည်တိုင် Inoue ဆီသို့ အလည်သွားပြီး မိတ်ဆက်ပေးကာ သူဟာ Inoue ကြောင့် လက်ထပ်ပြီး ကလေးပါယူနိုင်ခဲ့လို့ ကျေးဇူးတင်ကြောင်းဆိုခဲ့ပြီး Inoue ကလည်း သူ့အား ပွေ့ဖက်ကာ ဝမ်းသာမျက်ရည်ကျခဲ့ရပါတယ်။

Inoue ဟာ အခုဆို အနားယူရမယ့် အရွယ်ကို ရောက်နေပြီဖြစ်ပြီး စားသောက်ဆိုင်ကို ဘယ်သူကမှ အမွေဆက်ခံမှာ မဟုတ်တဲ့အတွက် ဆိုင်ကို ပိတ်ဖို့ ဆုံးဖြတ်ခဲ့ပါတယ်။ သို့ပေမဲ့ သူဟာ အထူးသဖြင့် ယခုကမ္ဘာ့ကူးစက်ရောဂါကြီးကြောင့် ကျောင်းသားများရဲ့အကျပ်အတည်းကို စိုးရိမ်နေဆဲဖြစ်ပုံရပါတယ်။

Mia (Mckzone daily)

Reference : goodtimes